Orgelvigsle 8.november

Orgelet i Knarvik kyrkje vert ferdigstilt i oktober månad av orgelbyggjar Metzler og arbeidarane frå orgelfirmaet i Sveits. Det er orgelbyggjarkunst av edlaste kvalitet. Orgelet er fullfinansiert av ei svært raus pengegåve frå Trond Mohn og vert eit prektig musikkinstrument til kunst og glede for generasjonar framover. Kyrkjelyden er svært takksam for orgelgåva!

Det nybygde, flotte orgelet i Knarvik kyrkje vert vigsla til bruk søndag 8. november ved gudstenesta kl.11.00. Biskop Halvor Nordhaug deltek saman med lokale krefter. Mange gler seg nok og er litt spente på å høyra orgelet og få syngja til fulltonande orgelklang i kyrkjerommet. Det hadde vore kjekt med fullsett kyrkje denne historiske dagen!

Karstein Askeland er ein framifrå konsertorganist og trakterer orgelet etter alle kunstens reglar. Askeland er også fagleg konsulent for orgelbygginga og den som fører kvalitetskontrollen for orgelkomite, sokneråd og fellesråd. Ved vigslingskonserten medverkar også våre eigne musikkstjerner Kjersti Wiik, sopran og Torstein Holmås, trompet.

Velkommen til orgelvigsle med gudsteneste og konsert søndag 8. november! 

Knarvik Gospel startar haustsemesteret 3.september!

Knarvik Gospel startar opp att øvingane sine torsdag 3.september klokka 19.30 i Misjonshuset, då det framleis pågår orgelbygging i kyrkja. Deretter er neste øving 10.september, og etter det er det kvar 14. dag.  Etter haustferien vonar vi at kyrkja er klar for å ta i mot alle som brukar ho til øvingslokale igjen.

 

Orgelet er på veg!

Orgelet er på veg og det tek litt tid å få det på plass, kyrkja stenger difor 17.august. og opnar att 11.oktober. I den tida skal alle gudstenestene vere i Alversund.  Knøttekoret i Knarvik Kyrkje vil ha øvingane sine i Knarvik misjonshus og Shelly blir sjølvsagt med ned der! Det vert ei pause i vaffelsteikinga og «Kom innom», men vi startar opp att når orgelet er på plass.
Den 16.august kjem 3 tilsette frå orgel- fabrikken Metzler i Sveits. På mandag skal ein trailer tømmast og dei tre går i gang med å montere orgelet.

Etter 3- 4 veker kjem Metzler sjølv, eigaren av fabrikken, saman med ein annan og skal bruke 3 veker på å intonere orgelet.

Vigsling av orgelet skjer den 8. november, og orgelet blir truleg ikkje brukt på gudstenester før dette. Då kjem biskopen og vil stå for vigslinga. På ettermiddagen den dagen blir det flott orgelkonsert. Fredag 20. november blir det stor konsert med Iver Kleive og Knut Reiersrud.

Besøk frå Amerika

Dei valfartar frå alle verdshjørne for å sjå kyrkja i Knarvik – kåra til verdas vakraste kyrkje.  – Eit spektakulært bygg – her opplever vi lys og varme som grip oss sterkt, seier Tom Rossiter og Nathalie Ribon-Tourre, to av reisefølgjet på hundre amerikanske arkitektar som er på norgesturné. Knarvik-kyrkja vekkjer stor internasjonal merksemd.

Amerikabesøket er omtalt i både Strilen og Nordhordland.

Jubileumskonsert med Bergen Domkirkes Jentekor

Lørdag 20. juni blir det jubileumskonsert for og av Bergen Domkirkes Jentekor i Knarvik kyrkje kl. 19:00! Med dem er Octavia fra Meland, Frode Skag Storheim på piano og Melissa Baug som solist. De synger sanger av blant annet Grieg, Debussy, Purcell og Hovland!

Billetter kan kjøpes her: https://kirkemusikkibergen.ticketco.no/bergendomkirkejentekorjunikveld, eller i døren, og koster 200 for voksen, 100 for student/honnør, og alle barn under 16 kommer inn helt gratis!