60 konfirmantar var 20.-22. januar samla på leir i Sætervika. For mange var dette første møtet med leirlivet, og det gav meirsmak.
Forfattar: Spesialpresten
Søndagsskulen
Her finn du oversikt over kva søndagar det er søndagsskule i Knarvik kyrkje.
Glimt frå Bibelmaraton
Godt og vel hundre lesarar hadde lese dag og natt i nesten fire døgn fram til siste kapittel vart lese under festgudstenesta i ei fullsett Knarvik kyrkje søndag 20. november. Her er nokre glimt frå Bibelmaratonen.
Fann omtale av Knarvik kyrkje på USA-fly
I flysetet på veg over Atlantaren kom den amerikanske arkitekten over eit magasin med store bilde av Knarvik kyrkje. Det resulterte i besøk i kyrkja vår.
Konfirmant 2017?
Vi ønskjer alle som er fødd i 2002 velkommen til konfirmasjon i kyrkja våren 2017. Konfirmasjon i Knarvik kyrkje vil bli søndag 7. mai. Det er også mogleg å velga konfirmasjon i Alversund kyrkje 29. og 30. april. I Seim og Lygra er det konfirmasjon 14. mai.
I september er det presentasjonsgudsteneser. Undervisninga startar 2. og 3. oktober og det vil vera grupper som møtes i Knarvik kyrkje mandagar og tirsdagar framover.
Konfirmantleir på Sætervika i Samnanger 20.-22. januar 2017.
Påmelding til konfirmantåret skjer på www.konf2017.no
Sommargudstenester
I sommar er det gudsteneste i Knarvik kyrkje dei fleste søndagane. Her vinn du oversikt over alle gudsteneste i Nordhordland fram til slutten av august.
Idemyldring om unge voksne og kyrkja
Kva kan kyrkja vera for unge voksne, og kva vil unge voksne bidra med i kyrkja? Dette var nokre av spørsmåla som det blei snakka om på idemyldringa i Knarvik kyrkje 1. juni. Mange gode tankar og innspel om gudstenester, grupper, turar m.m. kom fram i samtalen.
Gudsteneste med Alversund kammerkor
Søndag 29. mai deltar Alversund kammerkor på gudstenesta i Knarvik kyrkje kl. 11.00. Torbjørn Sæle er prest, eitt barn skal døypast og det blir nattverd. Søndagsskulen har si siste samling før sommaren denne dagen.
Kva gjer ein spesialprest?
Foto: Arthur Kleiveland, Nordhordland
Eg har fått spørsmålet mange gongar. Og eg har lurt på kva eg skal svara. Les vidare og eg skal fortelja om den første tida i ny stilling som spesialprest i Nordhordland.
Etter at flyttelasset kom frå Oslo og eg begynte i jobben i midten av april, har eg allereie hatt mange hyggelege møter. Først med staben eg deler kontor med i kyrkjelydshuset i Alversund og dei tilsette ved fellesrådskontoret i Lonsvegen. Saman med sokneprest Geir Øy har eg besøkt ungdomssatsinga Salto i Knarvik senter, vore på Trafikksikkerheitsdag for ungdom i og ved Knarvik kyrkje, og starta planlegginga av neste års konfirmantopplegg og gudstenestene framover. Eg har treft på engasjerte leiarar i barnekor og søndagsskule og møtt ein god gjeng frå sokneråda i Alversund, Seim og Lygra. Som spesialprest for barn, ungdom og unge vaksne i desse tre sokna er det mange og varierte arbeidsoppgåver i vente. Blant anna i kyrkjekjellaren i Knarvik som vi håpar skal stå klar til jul. Det blir stas! Her er det mykje spennande å sjå fram til.
– Når kyrkjekjellaren står klar blir det kanskje den viktigaste arbeidsplassen din, sa prost Geir Sørebø i si helsing på kyrkjekaffien etter innsetjingsgudstenesta i Knarvik kyrkje 24. april.
Eg er takknemleg for den gode velkomsten mange av dykk gav kona mi Stine Karin og meg under den gudstenesta som du lesa meir om i Strilen og Avisa Nordhordland (abonnement)
I løpet av mai ser eg fram til å få halda gudstenester både i Seim, Lygra og Knarvik kyrkje med dåp og nattverd, konfirmasjon og 17.mai-feiring. Eg kjem også til å møta nokre av vårens brudepar.
Innimellom dette har eg tenkt å i alle fall få meg ein tur på Stadion og forhåpentlegvis sjå Brann vinna. Eg har også planar om å korta ned på stabelen med banankassar og mala vidare i huset i Knarvik før eg rekk å bli eit år eldre – som eg har for vane å bli på denne tida av året. Så, kom mai du skjønne milde. Eg er klar for å møta deg til kvardag og fest!
Og du, bli gjerne ven med «Spesialprest Torbjørn» på Facebook! Ser deg plutseleg i ei av kyrkjene våre!?
